好耐無打xanga., 除左因為工作時間長而無咩時間之外, 我係一個會隔一段時間, 心中好有感覺想抒發先會打出來既人.
我地既關係慢慢地突破, 我同左佢媽咪去飲茶, 佢爸爸煮埋飯俾我食, 上個月我媽咪生日叫埋佢出來食飯, 佢送左份小禮物俾我媽咪, 都令佢覺得呢個女仔唔錯, 仲第一次竟然會因為佢生日而派利是俾我地兩個同埋細佬, 以前好似真係從來未試過. 我阿爸都覺得佢幾識做, 唔錯. 呢輪我好多時去佢屋企訓, 佢父母都好似已經接受左, 星期六總係會同佢地食晏, 相信呢一段關係咁樣持續發展落去會係一件好事
雖然唔係行左好耐, 但大家已經同半同居無咩分別, 我地之前都覺得好奇怪, 點解大家會發展到咁樣. 事緣於佢來我地公司做之前, 我對佢無咩好感, 佢係經我一個朋友介紹來tanrich既, 我個朋友就無我介紹來做, 而自己又好運, 得到team head 既信任負責幫手請人, 如果我認為係請得過既, 就俾佢做, 請唔過既, 就叫佢返去等消息. 0個時我覺得佢個人好高斗叫佢來interview, 又話邊日唔得閒, 又話自己要邊個時間先得, 大佬呀! 我請緊人梗係我話幾時叫你來就來啦! 唔做咪唔好來 LAW ! 0個時我真係好想斯左佢張FORM ! 但後來自己又唔希望抺殺人才, 所以叫我阿HEAD直接IN佢, 點知原來0個時佢又以為我好憎佢 ; 輪居住地點, 又一東一西, 可以話大家都係天各一方, 點都估唔到大家會發展到而家咁樣.
而家大家已經有了共識, 大家來緊既計劃要點做, 佢係一個肯與另一半分擔既人, 佢係一個我好願意同佢分享的心事既人, 就算以前邊個女朋友我都唔會同佢地講我內心既擔憂, 但佢好願意去聽我講野,0係後面支持我, 鼓勵我.
Chatboard (0)